തിരുപ്പതി ക്ഷേത്രത്തിലെ അത്ഭുതങ്ങള്‍

തിരുപ്പതി ക്ഷേത്രത്തിലെ രഹസ്യങ്ങള്‍ 

ഇന്ത്യയില്‍ ഏറ്റവും കൂടുതല്‍ വരുമാനമുള്ള ക്ഷേത്രങ്ങളിലൊന്നായ തിരുപ്പതി ക്ഷേത്രത്തില്‍ നടക്കുന്ന ചില വിചിത്രമായ സംഭവങ്ങള്‍ക്കു പിന്നിലെ സത്യം ഇപ്പോഴും ചുരുളഴിയാതെ കിടക്കുന്നു. ഭക്തര്‍ക്കോ ഇവിടത്തെ പൂജാരിമാര്‍ക്കോ അതൊന്നും കണ്ടുപിടിക്കാനായിട്ടില്ല..

കേരളത്തില്‍ നിന്നടക്കം നിരവധി ഭക്തര്‍ എത്തിച്ചേരുന്ന ആന്ധ്ര പ്രദേശിലെ ക്ഷേത്രമാണ് തിരുപ്പതിയിലെ തിരുമല വെങ്കടേശ്വര ക്ഷേത്രം. മഹാവിഷ്ണുവിന്റെ മറ്റൊരു രൂപമായ ശ്രീ വെങ്കടേശ്വരനാണ് ഇവിടത്തെ ആരാധനാമൂര്‍ത്തി. ഇന്ത്യയില്‍ ഏറ്റവും വരുമാനമുള്ള തിരുപ്പതി ക്ഷേത്രത്തിലേക്ക് രാജ്യത്തെ എല്ലാ ഭാഗങ്ങളില്‍ നിന്നും ആയിരക്കണക്കിന് ഭക്തരാണ് ദര്‍ശനത്തിനായി എത്താറുള്ളത്. ക്ഷേത്രത്തിലെ ആചാരങ്ങളും ചരിത്രവുമായി ബന്ധപ്പെട്ട കഥകളുമൊക്കെ ആരാധകരുടെ മനസില്‍ ഉണ്ടാകും. എന്നാല്‍ പലര്‍ക്കും അറിയാത്ത ചില രഹസ്യങ്ങളുണ്ടിവിടെ. വര്‍ഷങ്ങളായി ചുരുളഴിയാതെ കിടക്കുന്ന ആ രഹസ്യങ്ങളെക്കുറിച്ച് ആരും അന്വേഷിച്ച് പോകാറുമില്ല.

തിരുപ്പതി ബാലാജി ക്ഷേത്രത്തില്‍ പൂജയ്ക്കായി ഉപയോഗിക്കുന്ന പൂക്കളടക്കമുള്ള പൂജാദ്രവ്യങ്ങള്‍ എത്തിക്കുന്നത് തിരുപ്പതിയില്‍ നിന്ന് ഇരുപത്തി രണ്ട് കിലോമീറ്റര്‍ അകലെയുള്ള ഒരു ഗ്രാമത്തില്‍ നിന്നാണ്. എന്നാല്‍ ഈ ഗ്രാമം എവിടെയാണെന്ന് ആര്‍ക്കും അറിയില്ല. ഇതുവരെ അത് ക്ഷേത്ര അധികാരികള്‍ പുറത്തു വിട്ടിട്ടുമില്ല. പുറത്തു നിന്നൊരാള്‍ ആ ഗ്രാമത്തില്‍ ഇതുവരെ എത്തിപ്പെട്ടിട്ടുമില്ല. പൂക്കള്‍, നെയ്യ്, പാല്‍, തൈര്, ഇലകള്‍ എന്നിവയാണ് പേരറിയാത്ത ആ ഗ്രാമത്തില്‍ നിന്ന് തിരുപ്പതിയിലെത്തുന്നത്. പ്രതിഷ്ഠ മദ്ധ്യഭാഗത്തല്ല
ശ്രീകോവിലിനുള്ളിലെ വെങ്കടേശ്വരന്റെ പ്രതിഷ്ഠ മദ്ധ്യഭാഗത്താണുള്ളതെന്ന് ദര്‍ശനം നടത്തുമ്പോള്‍ തോന്നും. എന്നാൽ സാങ്കേതികമായി ഇത് മദ്ധ്യഭാഗത്തല്ല. ശ്രീകോവിലിന്റെ വലത്തേയറ്റത്താണ് പ്രതിഷ്ഠ. മദ്ധ്യഭാഗത്ത് നില്‍ക്കുന്നതായി ദര്‍ശനത്തില്‍ തോന്നും.
ബാലാജിയുടെ പ്രതിഷ്ഠയില്‍ കാണുന്ന തലമുടി ശരിക്കുള്ള തലമുടിയെന്നാണ് വിശ്വാസം. അതിന് പിന്നില്‍ ഒരു കഥയുമുണ്ട്. ഭൂമിയില്‍ വെച്ച് ബാലാജിക്ക് ഒരു അത്യാഹിതം സംഭവിക്കുകയും ആ സംഭവത്തില്‍ ഭഗവാന്റെ തലമുടിയുടെ കുറച്ച് ഭാഗം നഷ്ടപ്പെടുകയും ചെയ്തു. ഇത് ശ്രദ്ധയില്‍പ്പെട്ട നീല ദേവി എന്ന രാജകുമാരി തന്റെ തലമുടിയുടെ കുറച്ച് ഭാഗം മുറിച്ച് ഭഗവാന് സമര്‍പ്പിച്ചു. ബാലാജി ഇത് സ്വീകരിക്കുകയും ചെയ്തു. ഈ ഐതിഹ്യത്തിന് ചുവട് പിടിച്ചാണ് ഇപ്പോഴും തിരുപ്പതിയില്‍ വിശ്വാസികള്‍ തല മുണ്ഡനം ചെയ്യുന്നത്. തങ്ങളുടെ ആഗ്രഹങ്ങള്‍ ഇതിലൂടെ ഭഗവാന്‍ സാധിച്ചു കൊടുക്കുമെന്നാണ് വിശ്വാസം.
വിഗ്രഹം ഇരിക്കുന്നതിന് പിന്നിലെ ചുവരില്‍ ചെവി വെച്ചാല്‍ കടല്‍ത്തിരമാലയുടെ ശബ്ദം കേള്‍ക്കാനാകുമെന്നാണ് മറ്റൊരു വിശ്വാസം. ശക്തിയായി ആഞ്ഞടിക്കുന്ന തിരമാലകളുടെ ശബ്ദമാണ് കേള്‍ക്കുന്നത്രെ. എന്നാല്‍ ഇതിന് പിന്നിലെ രഹസ്യം ആര്‍ക്കുമറിയില്ല.
തിരുപ്പതി വെങ്കടേശ്വരന്റെ പ്രതിഷ്ഠയ്ക്കു മുന്നിലുള്ള മണ്‍ചിരാത് ഒരിക്കലും കെടാറില്ല. ഈ വിളക്ക് ആരാണ് തെളിയിച്ചതെന്നോ എപ്പോഴാണ് തെളിയിച്ചതെന്നോ ആര്‍ക്കും നിശ്ചയമില്ല.എപ്പോളും തെളിഞ്ഞു നില്‍ക്കുന്ന ഒന്നാണിത്.
രാവിലെ നടക്കുന്ന വിഗ്രഹത്തിന്റെ പുറത്തെഴുന്നള്ളിപ്പില്‍ വിഗ്രഹത്തിന് നേരെ പൂക്കള്‍ എറിയാറില്ല. ഇതിന് പകരം സമീപത്ത് സ്ഥിതി ചെയ്യുന്ന വെള്ളച്ചാട്ടത്തിലേക്കായിരിക്കും പൂക്കള്‍ എറിയുക. ഈ പൂക്കള്‍ അവിടെ നിന്ന് ഇരുപത് കിലോമീറ്റര്‍ ആകലെ സ്ഥതി ചെയ്യുന്ന യേര്‍പാട് എന്ന സ്ഥലത്ത് ഒഴുകിയെത്തുന്നു എന്നും പറയപ്പെടുന്നു.

തിരുപ്പതിയിലെ വെങ്കടേശ്വരന്റെ വിഗ്രഹത്തിന് പിന്നില്‍ എപ്പോഴും നനവാണ്. ഇത് എന്തുകൊണ്ടാണെന്നും ആര്‍ക്കും അറിയില്ല. വെള്ളം തുടച്ചു മാറ്റാന്‍ ഇതിനായി പ്രത്യേകം ആള്‍ക്കാരെയും ചുമതലപ്പെടുത്തിയിട്ടുണ്ട്. ഇതിന് പുറമെ വിഗ്രഹത്തിന് കേടുപാടുകള്‍ ഇതുവരെ സംഭവിച്ചിട്ടില്ല എന്നതാണ് വിചിത്രമായ മറ്റൊരു സംഭവം. കര്‍പ്പൂരം ഏത് കല്ലില്‍ പുരട്ടിയാലും കല്ലില്‍ വിള്ളലുകല്‍ വരുമെന്ന്  ശാസ്ത്രീയമായി തെളിഞ്ഞിട്ടുണ്ട്. എന്നാല്‍ ഇവിടത്തെ വിഗ്രഹത്തില്‍ അത്തരത്തില്‍ പൊട്ടലുകളോ വിള്ളലുകളോ ഇതുവരെ സംഭവിച്ചിട്ടില്ല. അതിന് പിന്നിലെ രഹസ്യം എന്താണെന്ന് ഇപ്പോഴും ആര്‍ക്കുമറിയില്ല. കര്‍പ്പൂരവും ഭസ്മവുമൊക്കെ വര്‍ഷങ്ങളായി പൂശുന്നുണ്ടെങ്കിലും യാതൊരുവിധ കേടുപാടുകളും വിഗ്രഹത്തിന് സംഭവിച്ചിട്ടില്ല.

കഴിഞ്ഞില്ല, വിഗ്രഹത്തിന്റെ അത്ഭുതം ഇനിയുമുണ്ട്.

തിരുപ്പതി ക്ഷേത്രം സ്ഥിതി ചെയ്യുന്ന സ്ഥലത്തിന് താരതമ്യേന കുറഞ്ഞ താപനിലയാണെങ്കിലും വിഗ്രഹത്തിന് ഏപ്പോഴും ചൂടുണ്ടാകും എന്നാണ് പറയപ്പെടുന്നത്. 110 ഡിഗ്രി ഫാരന്‍ഹീറ്റ് ചൂടാണ് വിഗ്രഹത്തിന് എപ്പോഴുമുള്ളത്. സമുദ്രനിരപ്പില്‍ നിന്ന് 3000 ആടി ഉയരത്തില്‍ സ്ഥിതി ചെയ്യുന്ന മലയോര പ്രദേശം കൂടിയാണ് ഇത്. എല്ലാ ദിവസവും രാവിലെ നടക്കാറുള്ള അഭിഷേകം കഴിയുമ്പോള്‍ വിഗ്രഹത്തില്‍ നിന്ന് വെള്ളത്തുള്ളികള്‍ ഇറ്റിറ്റ് വീഴാറുണ്ടെന്ന് പൂജാരിമാര്‍ പറയുന്നു. ഭഗവാന്റെ വിയര്‍പ്പു തുള്ളികളാണ് ഇത് എന്നാണ് വിശ്വാസം. ഈ വെള്ളം തുണി ഉപയോഗിച്ച് ഇവര്‍ തുടച്ചു മാറ്റാറുമുണ്ട്. വ്യാഴാഴ്ച്ച ദിവസങ്ങളിളെ അഭിഷേക വേളയില്‍ വിഗ്രഹത്തിന് പുറത്ത് ചാര്‍ത്തിയിരിക്കുന്ന തിരുവാഭരണങ്ങള്‍ മാറ്റുമ്പോള്‍ ആഭരണങ്ങളില്‍ ചൂട് അനുഭവപ്പെടാറുണ്ടെന്നും പൂജാരിമാര്‍ പറയുന്നു.

Credits: വിചിത്രലോകം ഗ്രൂപ്പ് (whatsapp)